ბაუ ბათუმის საერთაშორისო უნივერსიტეტის კლინიკური უნარებისა და OSCE ცენტრის ხელმძღვანელი, ასისტენტ-პროფესორი ნინო კასრაძე, მონაწილეობას იღებს ერთ-ერთ ყველაზე მასშტაბურ საერთაშორისო ღონისძიებაში - SESAM 2026 Annual Meeting, რომელიც 17-19 ივნისს, საფრანგეთის ქალაქ ლიონში იმართება. კონგრესი აერთიანებს სამედიცინო განათლების, კლინიკური სიმულაციის, შეფასებისა და ჯანდაცვის სფეროს პროფესიონალებს მსოფლიოს სხვადასხვა ქვეყნიდან, რათა განიხილონ სიმულაციაზე დაფუძნებული სწავლების თანამედროვე ტენდენციები, ასევე ინოვაციური საგანმანათლებლო მიდგომები.

13 ივნისს, სისხლის დონაციის საერთაშორისო დღის აღსანიშნავად, ბაუ ბათუმის საერთაშორისო უნივერსიტეტში წარმატებით გაიმართა სისხლის დონაციის კამპანია, რომელიც განხორციელდა საქართველოს წითელ ჯვართან და სისხლის ბანკთან თანამშრომლობის ფარგლებში.