შესავალი

მოგესალმებით განათლების ადმინისტრირების სამაგისტრო პროგრამის აკადემიური გუნდის სახელით. სიამაყით წარმოგიდგენთ პროგრამას, რომელიც შექმნილია ამჟამინდელი და მომავალი საგანმანათლებლო ლიდერებისთვის, რომლებიც ცდილობენ განათლების მომავლის ტრანსფორმაციას ეფექტური ლიდერობის, მტკიცებულებებზე დაფუძნებული გადაწყვეტილებების მიღების, ინოვაციებისა და ეთიკური პასუხისმგებლობის გზით.

ჩვენ გვჯერა, რომ განათლების ადმინისტრირება სცილდება ინსტიტუციური მენეჯმენტის ფარგლებს — ის მოიცავს განათლების, როგორც საზოგადოებრივი სიკეთის, სოციალური და ეკონომიკური განვითარების მამოძრავებელი ძალის გააზრებას. ჩვენი ინტერდისციპლინარული სასწავლო გეგმა აერთიანებს საგანმანათლებლო პოლიტიკას, ლიდერობას, მენეჯმენტს, ხარისხის უზრუნველყოფას, კვლევასა და ახალ ტექნოლოგიებს, მათ შორის ხელოვნურ ინტელექტს.

პროგრამა შემუშავებულია განათლების სექტორის მზარდი საჭიროებების საპასუხოდ რეგიონულ, ეროვნულ და საერთაშორისო დონეზე. თეორიის, პრაქტიკული გამოცდილებისა და კვლევის ინტეგრაციის გზით, სტუდენტები ავითარებენ კომპეტენციებს, რომლებიც საჭიროა საგანმანათლებლო დაწესებულებების ხელმძღვანელობისთვის, პოლიტიკის შემუშავებისა და შეფასებისთვის.

თუ თქვენი მიზანია სკოლებში, უნივერსიტეტებში, პროფესიულ კოლეჯში, სკოლამდელი აღზრდის დაწესებულებაში, საგანმანათლებლო ორგანიზაციებში თუ პოლიტიკის შემმუშავებელ ორგანოებში წარმატება, განათლების ადმინისტრირების პროგრამა მოგაწვდით ცოდნას, უნარებსა და პროფესიულ აზროვნებას, რაც აუცილებელია იმისათვის, რომ გახდეთ ტრანსფორმაციული საგანმანათლებლო ლიდერი.

პროგრამის მიმოხილვა

პროგრამის მისია

ცოდნის ტრანსფერის, უნარების შეძენისა და ღირებულებათა განვითარების გარემოს შექმნა ინდივიდის საგანმანათლებლო ლიდერად ტრანსფორმაციისთვის.

პროგრამის მიზნები და შედეგები

პროგრამის მიზნები და შედეგები განსხვავდება ერთწლიანი სამაგისტრო და ორწლიანი კვლევითი სამაგისტრო ნაწილებისთვის.

სამაგისტრო პროგრამა (I ნაწილი)

განათლების ადმინისტრირების სამაგისტრო პროგრამა მიზნად ისახავს მაღალი კვალიფიკაციის მქონე პროფესიონალების განვითარებას, რომლებსაც შეუძლიათ მართონ საგანმანათლებლო ინსტიტუციები სხვადასხვა დონეზე. თანამედროვე ლიდერობის თეორიების პრაქტიკულ აპლიკაციებთან ინტეგრაციით, სტუდენტები ისწავლიან ორგანიზაციულ გამოწვევებზე რეაგირებას, პოზიტიური ინსტიტუციური კულტურის განვითარებასა და მდგრადი განვითარების სტრატეგიების განხორციელებას.

ამოცანები:

• ანალიტიკური და ლიდერული კომპეტენციები — საგანმანათლებლო პოლიტიკის, მართვის სტრუქტურებისა და ადმინისტრაციული პროცესების კრიტიკული ანალიზი.
• სტრატეგიული აზროვნება და გადაწყვეტილების მიღება პოლიტიკურ, ეკონომიკურ და სამართლებრივ ჩარჩოებზე დაყრდნობით.
• საგანმანათლებლო ლიდერობის, მართვისა და ადმინისტრირების უნარები.
• ტექნოლოგიების ინტეგრაცია — AI და ციფრული ტრანსფორმაციის ინიციატივების წარმართვა.
• ეთიკური პასუხისმგებლობა და დემოკრატიული ღირებულებები.

კვლევითი სამაგისტრო პროგრამა (II ნაწილი)

სამაგისტრო პროგრამის II ნაწილის — კვლევითი სამაგისტრო პროგრამის — აქცენტია კვლევისა და მტკიცებულებების საფუძველზე გადაწყვეტილების მიღების უნარების განვითარება, რაც მოამზადებს კურსდამთავრებულებს კრიტიკულად შეაფასონ და გააუმჯობესონ საგანმანათლებლო პოლიტიკა, კურიკულუმები და მართვის სისტემები.

ამოცანები:

• ეროვნული და საერთაშორისო სამეცნიერო წყაროებისა და მონაცემების კრიტიკული ანალიზი.
• მტკიცებულებებზე დაფუძნებული გადაწყვეტილების მიღება; თვისებრივი და რაოდენობრივი კვლევის კომპეტენციები.
• ადვოკატირებისა და შეფასების კულტურის განვითარება.
• ეთიკური პასუხისმგებლობა კვლევის პრაქტიკაში; AI-ის რაციონალური გამოყენება.

კონცეფცია

პროგრამის ხედვა ეფუძნება განმახორციელებელი გუნდის ეროვნულ და საერთაშორისო აკადემიურ და პროფესიულ გამოცდილებას, სფეროს გამოწვევებს, სხვა საგანმანათლებლო სუბიექტთა გამოცდილებასა და სექტორულ საჭიროებებს.

ეფექტური განათლების ადმინისტრირება ითხოვს არა მხოლოდ ორგანიზაციულ ლიდერობას, არამედ საგანმანათლებლო პროცესის დიზაინის, კურიკულუმის, შეფასებისა და სწავლა-სწავლების მართვის ცოდნას.

კონცეფცია ეხმაურება უმაღლესი, ზოგადი, პროფესიული, სკოლამდელი და არაფორმალური განათლების რეფორმებს; საერთაშორისო საგანმანათლებლო კავშირებს; ხარისხის უზრუნველყოფის მოლოდინებს და თანამედროვე ტექნოლოგიების ინტეგრაციის შესაძლებლობებს.

პროგრამის ხედვა

პროგრამა ახდენს პედაგოგიკის, ფსიქოლოგიის, დიდაქტიკის, ეკონომიკის, მართვის, ლიდერობის, კომუნიკაციებისა და ტექნოლოგიების სინერგიას. საკუთარი კატალოგით პროგრამა განათლებას განიხილავს როგორც:

• რეგულირებადი სტრუქტურა — ინსტიტუციონალიზებული სისტემები (სკოლამდელი, ზოგადი, პროფესიული, უმაღლესი).
• პოლიტიკის ინსტრუმენტი — ეკონომიკური, სოციალური და კულტურული განვითარების წარმართვა.
• ფილოსოფია და კოგნიტური პროცესი — ჰოლისტიკური განვითარება, კრიტიკული აზროვნება.
• სოციალურ-ეკონომიკური დეტერმინანტი — სტატუსი, დასაქმება, ინკლუზია.
• ლიდერობისა და მიზნის გარშემო დაკავშირების პროცესი — ცვლილებების მართვა, ინკლუზიური სასწავლო გარემო.
• ორგანიზაციული ეფექტურობა და ხარისხზე ორიენტირებული ბიზნესმოდელი — ცოდნის მართვა, მდგრადობა.
• კვლევის სფერო — თვისებრივი, რაოდენობრივი და შერეული მეთოდები.
• ტექნოლოგიების იმპლემენტაციის არე — AI, Big Data, VR/AR, პერსონალიზებული სწავლება.
• გლობალური მოვლენა და ეროვნული პრიორიტეტი — SDGs, Erasmus+, საქართველოს რეფორმები.
• კაცობრიობის უნივერსალური ღირებულება — ადამიანის უფლება და საზოგადოების განვითარების მამოძრავებელი ძალა.

აკადემიური დატვირთვა

პროგრამის სტრუქტურა ბლოკების მიხედვით

სწავლის შედეგები — სამაგისტრო პროგრამა

ცოდნა და გაცნობიერება

1.1. აცნობიერებს განათლების, როგორც საზოგადოებრივი ინსტიტუტის, განვითარების ფაზებს, თანამედროვე კონტექსტსა და სამომავლო გამოწვევებს.
1.2. იცნობს განათლების მართვის სტრუქტურებს საერთაშორისო, სახელმწიფოებრივ თუ საგანმანათლებლო ორგანიზაციის დონეზე.
1.3. სისტემურად აკავშირებს საგანმანათლებლო პროცესის ორგანიზებისა და ადმინისტრირების გამოწვევებს, ICT და AI ტექნოლოგიების მნიშვნელობის გაცნობიერებით.

უნარები

2.1. ავლენს ეფექტურ საგანმანათლებლო ლიდერობას ორგანიზაციაში.
2.2. შეუძლია საგანმანათლებლო პროცესის ადმინისტრირება — ორგანიზება, განხორციელება და მართვა.
2.3. პრაქტიკაში უზრუნველყოფს ICT და AI ტექნოლოგიების დანერგვასა და გამოყენებას.

პასუხისმგებლობა და ავტონომიურობა

3.1. საგანმანათლებლო და ადმინისტრაციული საქმიანობის დაგეგმვაში ითვალისწინებს საკუთარ და სხვის შესაძლებლობებს და ლიმიტებს, ლიდერობას წარმართავს აკადემიური ღირებულებების გაცნობიერებით.

სწავლის შედეგები — კვლევითი სამაგისტრო

ცოდნა და გაცნობიერება

B1.1. ადარებს განათლების, როგორც საზოგადოებრივი ინსტიტუტის, განვითარების გამოწვევებს ადგილობრივ და გლობალურ დონეზე.
B1.3. სისტემურად აკავშირებს საგანმანათლებლო პროცესის ორგანიზებისა და ადმინისტრირების გამოწვევებს განვითარებასა და სწავლების კოგნიტურ პროცესებთან.

უნარები

B2.3. შეუძლია სფეროს შესატყვისი კვლევითი მეთოდოლოგიის გამოყენებით კვლევის დაგეგმვა და ჩატარება, აკადემიური სტანდარტით ნაშრომის მომზადება.

პასუხისმგებლობა და ავტონომიურობა

3.2. აცნობიერებს აკადემიურ ღირებულებებს კვლევის დაგეგმვის, განხორციელების და შედეგების წარდგენის ეტაპებზე, იცავს ეთიკურ პრინციპებს და წარმართავს კვლევას აკადემიური პატიოსნების თანამედროვე სტანდარტებით.

ტრანსფერული უნარები

4.1. კომუნიკაციის უნარი — ვერბალური და წერილობითი კომუნიკაცია ქართულ და ინგლისურ ენაზე, ასევე ენობრივ მოდელებთან (AI) ეფექტური კომუნიკაციის უნარი.

4.2. პრობლემების გადაჭრა — კომპლექსური პრობლემების იდენტიფიცირება, ანალიზი და მტკიცებულებაზე დაფუძნებული გადაწყვეტილებების ფორმულირება.

4.3. ანალიტიკური უნარი — რთული ცნებების, თეორიებისა და მონაცემების ანალიზი, კრიტიკული შეფასება.

4.4. დროის მართვა და პრიორიტეტები — ამოცანების ორგანიზება, დაგეგმვა და სამუშაო დატვირთვის დაბალანსება.

4.5. ორგანიზება და თვითორგანიზება — ამოცანების, რესურსებისა და პასუხისმგებლობების მართვა რთულ გარემოში.

4.6. გუნდური მუშაობა — ეფექტური თანამშრომლობა მრავალფეროვან გუნდურ გარემოში.

4.7. პროექტების მართვა — პროექტების დაგეგმვა, შესრულება, მონიტორინგი და შეფასება ეთიკური სტანდარტების დაცვით.

კურიკულუმი