საერთაშორისო ურთიერთობების დეპარტამენტი ინტერნაციონალიზაციის პოლიტიკის შესაბამისად უზრუნველყოფს ინსტიტუციური თანამშრომლობის განვითარებასა და გლობალურ აკადემიურ სივრცეში  ინტეგრაციას. დეპარტამენტი პასუხისმგებელია რეგიონთშორისი კავშირების მართვაზე, ტრანსატლანტიკური ქსელის გაძლიერებასა და უნივერსიტეტის სტრატეგიული მიზნების მხარდაჭერაზე.  
საერთაშორისო თანამშრომლობის სტრატეგია მოიცავს სამ ძირითად  მიმართულებას - ევროპას, ჩრდილოეთ  ამერიკასა და შორეული აღმოსავლეთის რეგიონს. კოოპერირების არეალი ვრცელდება ევროპის სხვადასხვა სუბრეგიონზე,  ამერიკის შეერთებულ შტატებზე, სამხრეთ კორეასა და იაპონიაზე, ყოველივე ეს კი ქმნის მრავალფეროვან  შესაძლებლობებს აკადემიური და სამეცნიერო თანამშრომლობისთვის. 
ამჟამად, შპს ბაუ ბათუმის საერთაშორისო უნივერსიტეტის პარტნიორთა ქსელი აერთიანებს მსოფლიოს სხვადასხვა ქვეყანაში მოქმედ უმაღლეს სასწავლო დაწესებულებებს, რომლებიც გამოირჩევიან მაღალი აკადემიური სტანდარტებითა  და საერთაშორისო აღიარებით. გლობალური პარტნიორობა პროფესორებსა და სტუდენტებს სთავაზობს აკადემიურ და  კვლევით საქმიანობაში ჩართვის უნიკალურ შესაძლებლობას, ყოველივე ეს კი ზრდის ინსტიტუციის  ავტორიტეტს  მთელი მსოფლიოს მასშტაბით.