შესავალი

ბაუ საერთაშორისო უნივერსიტეტის (ბათუმი) ერთსაფეხურიანი დიპლომამდელი საგანმანათლებლო პროგრამა „სტომატოლოგია“ გამომდინარეობს სტომატოლოგიური განათლების ევროპული ასოციაციის ADEE (Association for Dental Education in Europe) დარგის მახასიათებელიდან „Graduating European Dentist“ და ითვალისწინებს უმაღლესი სტომატოლოგიური განათლების ეროვნული სექტორის და შრომის ბაზრის კონტექსტს. პროგრამის შექმნისას გათვალისწინებულია გაერთიანებული სამეფოს Queen Mary University-ის სტომატოლოგიური სკოლისა და თურქეთის სტამბულის ბაჰჩეშეჰირის უნივერსიტეტის სტომატოლოგიური ფაკულტეტის გამოცდილება.

პროგრამის სწავლის შედეგების ჩარჩო წარმოადგენს ADEE-ის დარგობრივი სტანდარტებისა და აქტუალური კომპეტენციების ადაპტირებას ქართულ საგანმანათლებლო სივრცეში, კვალიფიკაციათა ეროვნული ჩარჩოს გათვალისწინებით.

პირის ღრუს ჯანმრთელობა გავლენას ახდენს ადამიანის ფიზიკურ ჯანმრთელობასა და ფსიქო-სოციალურ მდგომარეობაზე. სტომატოლოგია სწრაფად განვითარებადი დარგია — პერიოქირურგია, ციფრული სტომატოლოგია, იმპლანტაცია ციფრული შაბლონებით და სხვა. თანამედროვე სტომატოლოგია ზოგადი ჯანმრთელობისა და სიცოცხლის ხარისხის გაუმჯობესებასთან ერთად ესთეტიკურ მნიშვნელობასაც იკავებს.

სტომატოლოგიურ მომსახურებაზე მოთხოვნის ზრდამ გაზარდა მოთხოვნილება კვალიფიციურ კადრებზე. უნივერსიტეტი მიზნად ისახავს ჯანდაცვის სფეროს განვითარებას საერთაშორისო პრაქტიკაზე დაყრდნობით — კონკურენტუნარიანი კურსდამთავრებულების მომზადებით დენტალური მედიცინის მიმართულებით.

პროგრამის ხელმძღვანელი — ირაკლი ჩაჩუა

პროგრამის მიმოხილვა

პროგრამის მისია

სწავლების ინოვაციურ მიდგომებსა და ტექნოლოგიებზე დაფუძნებული განათლების განხორციელება სტომატოლოგიურ სწავლებაში — საერთაშორისო საგანმანათლებლო და შრომის ბაზარზე კონკურენტუნარიანი კურსდამთავრებულის მომზადების მიზნით.

პროგრამის მიზნები და ამოცანები

პროგრამის მიზანია მოამზადოს მაღალკვალიფიციური, სტომატოლოგიური განათლების საერთაშორისო სტანდარტის შესაბამისი კომპეტენციის სტომატოლოგი — ფუნდამენტური თეორიული და მტკიცებულებებზე დამყარებული სამეცნიერო ცოდნით, ინოვაციურ-ტექნოლოგიური ხედვებითა და პრაქტიკოსი სტომატოლოგისთვის აუცილებელი კლინიკური უნარებით, კონკურენტუნარიანი ეროვნულ და საერთაშორისო მასშტაბით.

პროგრამის ამოცანაა სტომატოლოგიური გუნდის აქტიური წევრისა და ლიდერის მომზადება; ექიმ-სტომატოლოგის როლის გაცნობიერება საზოგადოებრივი ჯანდაცვის სისტემაში; პირის ღრუს დაავადებების პროფილაქტიკა, დიაგნოსტიკა და მკურნალობა თანამედროვე გაიდლაინებით; პროფესიული და ეთიკური ღირებულებები, კვლევითი კომპეტენცია და უწყვეტი სწავლისადმი სწრაფვა.

სწავლის შედეგები

პროგრამის სწავლის შედეგები შეესაბამება ADEE-ის დარგობრივ კომპეტენციებს და ეროვნული კვალიფიკაციების ჩარჩოს მოთხოვნებს დიპლომირებული სტომატოლოგისთვის. შედეგები დაჯგუფებულია ოთხი მიმართულებით:

პროფესიონალიზმი
ეთიკა — ჯანმრთელობის დაცვა როგორც პროფესიული პრივილეგია; ეთიკური პრინციპები კლინიკასა და კვლევაში; აკადემიური პატიოსნება.
ლიდერობა და კომუნიკაცია — გუნდის ხელმძღვანელობა, ცვლილებების მართვა; ვერბალური/წერილობითი კომუნიკაცია ქართულ და ინგლისურ ენაზე.
რეგულირება და ანგარიშვალდებულება — ჯანდაცვის საკანონმდებლო მოთხოვნები, ინფორმირებული თანხმობა, ინფექციების კონტროლი, მონაცემთა დაცვა, რადიაციული უსაფრთხოება.
კრიტიკული თვითშეფასება — საკუთარი შესაძლებლობების ზღვარი; რჩევის მოთხოვნა; პასუხისმგებლობა ქმედებებზე.

უსაფრთხო და ეფექტური კლინიკური პრაქტიკა
ორგანიზმის ბიოლოგიური პროცესების გაცნობიერება; პირის ღრუს ჯანმრთელობის ბიო-სამედიცინო საფუძვლები; სისტემური დაავადებების კავშირი ყბა-სახის მდგომარეობებთან; ინფექციის კონტროლი და რადიაციული უსაფრთხოება; ვიზუალიზაცია; გადაუდებელი შემთხვევების მართვა; სტომატოლოგიური მასალების მახასიათებლები.

პაციენტზე ორიენტირებული მოვლა
ქცევის მართვა და რისკ-ფაქტორების ანალიზი; კლინიკური ინფორმაციის შეგროვება და დიფერენციული დიაგნოსტიკა; ინდივიდუალური მკურნალობის დაგეგმვა და შედეგის შენარჩუნება; რესტავრაციები, ანესთეზია, ექსტრაქცია, იმპლანტაცია; პროფილაქტიკა და მინიმალურად ინვაზიური პროცედურები.

სტომატოლოგია და საზოგადოება
დემოგრაფია და ჯანმრთელობის ტენდენციები; პირის ღრუს ჯანმრთელობის როლი პირველად ჯანდაცვაში; ქცევის ცვლილება მოსახლეობის დონეზე; პროფესიული ადვოკატირება; საზოგადოებრივი ჯანმრთელობის პოლიტიკის შეფასება ხელმისაწვდომობის, ხარისხისა და შედეგების კუთხით.

ზოგადი კომპეტენციები
ანალიზი და სინთეზი · ინფორმაციის მართვა · პრობლემის გადაწყვეტა და კრიტიკული აზროვნება · დამოუკიდებელი მუშაობა · ცოდნის უწყვეტი განახლება · ახალ სიტუაციებთან ადაპტაცია.

სწავლება-სწავლის მეთოდები

პროგრამა აერთიანებს თეორიულ და პრაქტიკულ სწავლებას ლაბორატორიულ, სიმულაციურ და კლინიკურ გარემოში. ძირითადი მეთოდები:

ლექცია და სემინარი — დიდაქტიკური ან ინტერაქტიული; დისკუსია, ანალიზი, სინთეზი.
პრეზენტაცია — ინდივიდუალური ან ჯგუფური; ინტერდისციპლინურ მოდულებში ინტეგრირებული.
PBL — 7–10 სტუდენტი ფასილიტატორთან; გუნდური მუშაობა, დამოუკიდებელი სწავლა, კლინიკური ინტეგრაცია.
CBL / CBD — მტკიცებულებებზე დაფუძნებული კლინიკური ქეისები; დიაგნოზი და მკურნალობის გეგმა.
ლაბორატორიული მუშაობა — მიკროსკოპი, ექსპერიმენტი, ანატომიური კვეთა.
TSE — მანეკენები, ფანტომები, სიმულატორები, როლური თამაში.
TCE — კლინიკური ვიზიტები და როტაციები; V წელს ინტენსიური კლინიკური პრაქტიკა.

შეფასების სისტემა

გამოიყენება განმავითარებელი და შემაჯამებელი შეფასება. პრაქტიკული შეფასების მეთოდები: ფანტომებზე მანიპულაციები, DOPS, Mini-CEX, OSCE (≥10 სადგური), OSPE.

ქულების განაწილება (0–100): ყოველკვირეული აქტივობები 0–40 · შუალედური/ბლოკური გამოცდა 0–20 · დასკვნითი გამოცდა 0–40. კრედიტი გაიცემა ≥51 ქულის დაგროვებისას და კურსის ზღვარის გადალახვისას.

სასწავლო სივრცე

ბაუ საერთაშორისო უნივერსიტეტი (ბათუმი) ფუნქციონირებს ახალ შენობაში — აუდიტორიები, კომპიუტერული კლასები, 9 სასწავლო და 1 კვლევითი ლაბორატორია, ბიბლიოთეკა და პარტნიორ კლინიკებთან პარტნიორობა.

ლაბორატორიები და სიმულაცია: მიკრობიოლოგია და იმუნოლოგია; ფარმაკოგენეტიკა და PCR; ციტოლოგია/ჰისტოლოგია/ფიზიოლოგია; ბიოქიმია და მოლეკულური ბიოლოგია; კლინიკური და პროფესიული სტომატოლოგიური უნარების ლაბორატორია (30 ფანტომი); სტომატოლოგიური პროთეზების ტექნიკური ლაბორატორია; სტომატოლოგიური კლინიკის სიმულაციური ლაბორატორია; ანატომია და PBL/CBL; OSCE ცენტრი; ანატომიური კვეთის ლაბორატორია.

საუნივერსიტეტო სტომატოლოგიური კლინიკა: 4 თანამედროვე სტომატოლოგიური დანადგარი, დენტალური რენტგენი, სტერილიზაციის სტანდარტები; კლინიკური პრაქტიკა ასევე აფილირებულ საბაზო კლინიკებში.