ბაუ საერთაშორისო უნივერსიტეტსა (ბათუმი) და ტრანსილვანიის უნივერსიტეტს შორის Erasmus+ საერთაშორისო კრედიტ მობილობის ფარგლებში განვითარებული თანამშრომლობა ხელს უწყობს სტუდენტების, აკადემიური და ადმინისტრაციული პერსონალის მობილობას, საერთაშორისო გამოცდილების გაზიარებასა და ინსტიტუციური კავშირების გაძლიერებას. აღმოსავლეთ ევროპის რეგიონთან თანამშრომლობის განვითარება ბაუ საერთაშორისო უნივერსიტეტის (ბათუმი) ინტერნაციონალიზაციის სტრატეგიის ერთ-ერთ მნიშვნელოვან მიმართულებას წარმოადგენს. აღნიშნულ კონტექსტში, ტრანსილვანიის უნივერსიტეტთან ორმხრივი პარტნიორობის გაღრმავება ქმნის შესაძლებლობებს სტუდენტების საერთაშორისო გამოცდილების გაფართოებისთვის, თანამედროვე საგანმანათლებლო მიდგომების გაზიარებისა და აკადემიური თანამშრომლობის ახალი მიმართულებების განვითარებისათვის.

ტრანსილვანიის უნივერსიტეტი რუმინეთის ერთ-ერთი წამყვანი სახელმწიფო უნივერსიტეტია, რომელიც აერთიანებს მრავალფეროვან საგანმანათლებლო პროგრამებსა და საერთაშორისო პროექტებს. უნივერსიტეტი გამოირჩევა სწავლების ინოვაციური მეთოდებით, კვლევაზე ორიენტირებული მიდგომებითა და თანამედროვე აკადემიური გარემოს განვითარებით.