პირის ღრუს ჯანმრთელობა კრიტიკულ როლს ასრულებს ონკოლოგიური პაციენტების ზოგად ჯანმრთელობისა და მკურნალობაში. პირის ღრუს მხრივი გართულებები ერთ-ერთი ყველაზე გავრცელებული და დამაუძლურებელი მოვლენაა სხივური და ქიმიოთერაპიული მკურნალობის ქვეშ მყოფი პაციენტებისათვის.

პროექტის მიზანია დაადასტუროს, რომ პირის ღრუს ჯანმრთელობა მნიშვნელოვან გავლენას ახდენს ონკოლოგიური მკურნალობის შედეგებზე და რომ პრევენციული სტომატოლოგიური მომსახურების ინტეგრაცია ონკოლოგიურ პროტოკოლებში აუცილებელია.

დადგინდეს, რომ პირის ღრუს სანირება ონკოლოგიური მკურნალობის დაწყებამდე კიბოს მართვის აუცილებელი კომპონენტია.

1. შეისწავლოს პაციენტთა ჯგუფი სხივური და ქიმიოთერაპიის ჩატარების წინ და შემდეგ, რომელთაც ჩატარებული ჰქონდათ პირის ღრუს სანაცია
2. შეადაროს გართულებების რიცხვი არასანირებულ ჯგუფს
3. დაადგინოს გართულებების მიზეზები
4. აღრიცხოს ლორწოვან გარსზე არსებული პათოლოგიური პროცესების მკურნალობის ხანგრძლივობა
5. შეადაროს ოსტეომიელიტის განვითარების სიხშირე სანირებულ და არასანირებულ პირის ღრუში
6. აღრიცხოს პაციენტთა რაოდენობა, რომელთა ინფორმირებულობის შემდეგ უარი განაცხადეს პირის ღრუს სანაციაზე

• სანირებული და არასანირებული პირის ღრუს შედარებითი მონაცემთა ბაზა
• რეცენზირებული პუბლიკაციები და კონფერენციებზე პრეზენტაციები
• მტკიცებულებებზე დაფუძნებული კლინიკური მონაცემები და პროტოკოლები

• კ. მარდალეიშვილის ონკოლოგიის სამეცნიერო-კვლევითი ცენტრი
• ავერსის კლინიკა

ონკოლოგიური პაციენტები
ონკო-მკურნალობის შეწყვეტებისა და ჰოსპიტალიზაციის შემცირება, სიცოცხლის ხარისხის გაუმჯობესება.

ჯანდაცვის პოლიტიკა
სტომატოლოგიური მკურნალობის სავალდებულო პოლიტიკის ცვლილებებისთვის მტკიცებულებების ბაზა.